Akram Khan Company: Akram Khan Company Akram Khan Company: Until the Lions

Esti xueves 15 de marzu'l Teatru Campoamor d'Uviéu acueye a les 20:00 hores dientro del Festival de Danza l'actuación d' Akram Khan Company: Until the Lions ,Un espectáculu con coreografía d' A. Khan  y música en vivu de V. Lamagna .

El galardonáu coreógrafu y baillarín Akram Khan presenta n'Uviéu la so última producción de llarga duración, Until the Lions. Trátase d'una adaptación parcial del llibru del poeta Karthika Naïr, Hasta los lleones: ecos del Mahabharata: una reelaboración orixinal de la épica Mahabharata, na que Khan utiliza'l kathak (una de les formes de dances clásiques de la India) y la danza contemporanea para cuntar la hestoria de Amba, una princesa secuestrada'l día de la so boda y despoxada del so honor, qu'invoca a los dioses para buscar vengación. Asina, nesta pieza teatral épica, Khan busca la noción y l'espresión física del xéneru, axuntando a dalgunos de los nomes estelares tres el so equipu del reconocíu solo, tituláu DESH: l'escritor Karthika Naïr, l'artista plásticu Tim Yip, el diseñador de iluminación Michael Hulls y el dramaturgu Ruth Little.

Los trés destacaos baillarinos, Rianto, Ching-Ying Chien y Joy Alpuerto Ritter, actúen al pie de cuatro músicos en vivu: los cantantes Sohini Alam y David Azurza, el percusionista Yaron Engler y el músicu Joseph Ashwin. Ching-Ying Chien foi la ganadora del Premiu Nacional de Danza 2016 de Reinu Uníu a la Meyor actuación femenina n'estilu modernu.