"Agora, la más fuerte soi yo" de Pilar Murillo. Un llibru al llau
Esta selmana presentamos n'Un llibru al llau una de les obres de la escritora Pilar Murillo: Agora,la más fuerte soi yo .
Nesta obra axunta un testu teatral y dellos monólogos de Pilar Murillo. Esti volume fai'l númberu 12 d'una colección que recueye obres d'autores como Adolfo Camilo Díaz o Chechu García ente otros.
La obra tien dos partes. Nuna axunta seis monólogos entitulaos El mecheru,Ódiote una migaya, La rifa, Por allegríes..., Trabayu temporal y el que-y da nome al llibru. Na otra, presenta la obra teatral curtia L'heriedu, onde una familia, na que como nel restu la obra dominen los personaxes femeninos, discute pola herencia que-yos van dexar los güelos, entá vivos.
Pilar Murillo ñació n'Avilés y crióse en Podes (Gozón). Ye autora d'obres como Les cartes, Faustina madre de Alejandro o Hamlet ye'l mio mozu. Tien espublizaos testos en revistes como La ratonera o Art teatral, algamando dellos premios ente los que destaquen l'Art Nalón de Teatru y el Premiu Asturies de Teatru.
Consigue un exemplar participando nel sortéu d'Un llibru al llau unviando un corréu antes del vienres 1 de xineru a les 23:50 hores a : alllaudelllar@hotmail.com.
Collaboren : Academia de la Llingua Asturiana y Ayuntamientu de Samartín del Rei Aurelio.