Actu de clausura y entrega premios FICX 2020

El FICX encara la recta final, esta mañana tuvo llugar nel Teatru Xovellanos la llectura del palmarés del Festival de Cine de Xixón. Nun actu presidíu pola alcaldesa de Xixón, Ana González, acompañada pol conceyal de Cultura, Alberto Ferrao. Dambos destacaron la celebración d'una edición enmarcada na era del COVID-19 , felicitando al equipu lideráu por Alejandro Díaz Castaño.

Los ganadores d'esta 58 edición qu'estrenaba formatu, con trés secciones oficiales (Tierres en trance, Albar y Retueyos) caúna colos sos premios , fueron a les películes 'Chaco', de Diego Moncada (Tierres), n'una sección que tamién escueye como meyor directora a Celia Viada Caso por 'La calle del agua'; 'First cow', de Kelly Reichardt (Albar), onde Tizza Covi y Rainer Frimeel lleváronse la meyor dirección por 'Notes from the underworld', y, finalmente, un premiu ex aequo pa Retueyos, que comparten 'Marygoround', de Daria Woszel, y '9 fugas', de Fon Cortizo. 'Sisters: the summer we found our superpowers', de S. Salomonsen y A. Ostin, llevóse'l premiu de la sección de públicu infantil y xuvenil, Enfants Terribles.

Esti sábadu va tener llugar l'actu de clausura a partir de les ocho de la tarde, puedes siguilu nel enllaz calcando na imaxe, amás de volver esfrutar de toles actividaes del Festival Internacional de Cine de Xixón 2020.