Actos con motivu de los Premios Princesa d'Asturies

Dende la selmana pasada ta desendolcándose n'estremaos requexos d'Uviéu delles actividades con motivu de los Premios Princesa d'Asturies 2020, baxo'l nome SELMANA DE LOS PREMIOS 2020.

Una de les actividaes más destacaes será la de mañana llunes col "Recital Poéticu d'Anne Carson" que tendrá llugar a partir les seis de la tarde.

La galardonada de les Lletres va recitar, de manera virtual, dalgunos de los sos poemes, con especial atención a los recoyíos nel so últimu poemariu "FLOTA".

Tres el recital, el críticu, escritor y traductor al español de delles de les sos obres, Jordi Doce, va falar cola autora dende LAFPABRICA. Esti actu va disponer de traducción simultánea.
Pa poder asistir presencialmente nel  Almacén de la Fábrica d'Armes de La Vega (C/ Marcelino Fernández, Uviéu), hai d'apuntase en www.fpa.es. L'aforu ye de 185.
Pero tamién puedes participar virtualmente al traviés del enllaz:  www.fpa.es/ye/especial-2020/actos-de-la selmana-de-los premios-en-streaming/.

Talleres,poesía, música, esposiciones, charres y autocine completen los actos culturales ufiertaos con motivu de los Premios Princesa d'Asturies.

La programación completa de la  SELMANA DE LOS PREMIOS 2020 puedes vela calcando na imaxen.