'50 años de descubrimientos na Cueva de Tito Bustillo'

Nel Centru d'Arte Rupestre Tito Bustillo en Ribesella puede vese hasta'l 31 d'ochobre la esposición '50 años de descubrimientos na Cueva de Tito Bustillo'. Entamada pola Conseyería de Cultura del Principáu d'Asturies so la dirección del catedráticu de Prehistoria, Rodrigo de Balbín, esta muestra tien como oxetivu sopelexar dalgunos de les meyores científiques na conocencia d'esta cueva que foi declarada Patrimoniu Mundial pola UNESCO en 2008.

Tito Bustillo ye una de les cinco cueves decoraes del Paleolíticu, más importes del mundu. Ye, amás, una de les más grandes y alluga un gran númberu de figures pintaes y grabaes en tol so percorríu. Munches d'estes figures son d'una escepcional calidá y otres son úniques, como la pareya d'antropomorfos de la Galería del mesmu nome. Al traviés de fotografíes y materiales orixinales fáese un percorríu polos resultaos de les escavaciones y les dataciones posteriores, pol color de les pintures o pola forma de vida na Cueva de Tito Bustillo, completándose con un panel retro allumáu nel que pueden apreciase con detalle les pintures del Panel Principal.

Na muestra pueden vese orixinales, dalgunos formen parte de la esposición permanente del Muséu Arqueolóxicu d'Asturies, ente les que destaquen estilizaciones femenines, un cayáu furáu o la emblemática cabeza de cabra. La muestra complementase con proyecciones y uuna zona infantil.L'accesu ye gratuitu cola entrada al Centru.