18 películes pa un trimestre de cine Nel Centru Niemeyer

Ente abril y xunu nel Centru Niemeyer d'Avilés va poder vese una programación compuesta por 18 películes de nueve nacionalidaes. Amás, trés d'estes películes van cuntar con trés proyecciones caúna d'elles pa facilitar el so accesu al públicu. A esta programación sumaránse les proyecciones correspondientes a la tercer edición del Festival de Cine LGBTIQ.

La programación ta compuesta poles siguientes películes: "La muerte de Stalin" (Reinu Uníu) el 1, 6 y 8 d' abril, "Silencio roto" (España) el 5 d' abril, "Extraordinario" (EE.UU.) el 12 d' abril, un programa doble del director Ramón Lluis Bande con "Escoréu, 24 d'avientu" y "Aún me quedan balas para dibujar" (España) el 22 d' abril, "Alanis" (Arxentina) el 26 d' abril, "Handia" (España) el 29 d' abril, "La vida y nada más" (España) el 3 de mayu, "El equipo de mi barrio" (España) el 6 de mayu, "Un sol interior" (Francia) el 11, 12 y 13 de mayu, "Hacia la luz" (Xapón) el 17 de mayu, "Lady Macbeth" (Reinu Uníu) el 24 de mayu, "Ikarie XB 1" (República Checa) el 27 de mayu, "La rueda de las maravillas" (EE.UU.) el 3 de xunu, "La última bandera" (EE.UU.) el 8, 9 y 10 de xunu, "El taller de escritura" (Francia) el 14 de junio, "Tierra firme" (España) el 21 de xunu, "Most beautiful island" (EE.UU.) el 24 de xunu y "Demasiado cerca" (Rusia) el 28 de xunu. Toles proyecciones tendrán llugar a les 20:00 y podrán vese na versión orixinal con subtítulos en castellán.