150 aniversariu del establecimientu de les relaciones diplomátiques ente España y Xapón,
Coincidiendo col 150 aniversariu del establecimientu de les relaciones diplomátiques ente España y Xapón,dende'l llunes día 28 hasta'l 10 de xunu, nel Centru de Cultura Antiguu Institutu de Xixón, van desenvolvese una serie d'actividaes promovíes por JIAS (Japan International Artists Society) y CAEA (Club deas Amis de l'Europe et deas Arts) :
· "Xapón: Llínea y color. 50 Esposición d'Artistes Visuales Xaponeses".
Esta esposición forma parte de l'actividá d'intercambios culturales y artísticos promovida por JIAS (Japan International Artists Society) y CAEA (Club deas Amis de l'Europe et deas Arts)
El Club d'Amigos d'Europa y les Artes (CAEA) ye una asociación fundada en 1972 por MAGORI Toshifumi qu'entama la primer esposición en París en 1973.
8 años dempués, decide promover un grupu ente los artistes xaponeses de la CAEA. Asina se lleva a cabu en Xapón, la esposición de la fundación de la Sociedá Internacional d'Artistes de Xapón (JIAS).
Una de les sos principales apuestes ye promover a los artistes xaponeses y espublizar la so actividá creativa na escena internacional p'afondar nos intercambios culturales internacionales.
D'esta forma amás de trés esposiciones añales en Xapón, nes últimes décades llevaron a cabu esposiciones internacionales en más de 25 países (Estaos Xuníos, Canadá, Chile, Cuba, México, China, Bélxica, Francia, Alemaña, Holanda, Italia, Portugal, Suiza etc.)
Nesta ocasión, pa celebrar la 50 esposición d'Artistes Visuales Xaponeses escoyeron Xixón.
Un eventu que coincide amás col 150 aniversariu de les relaciones diplomátiques Xapón-España y foi incluyida pola Embaxada de Xapón n'España nos actos conmemorativos d'esta efeméride
Asina, el Centru de Cultura Antiguu Institutu va tener la oportunidá d'amosar más de 300 trabayos realizaos siguiendo diverses técniques, tanto modernes como tradicionales (pintura al oliu, acrílica, acuarela, grabáu, "nihonga", testil, cerámica, bordáu o caligrafía).
· Amás, al pie de la esposición desenvolveránse toa una serie d'actividaes paraleles abiertes al públicu: conferencies, demostraciones y talleres de caligrafía xaponesa y origami ( arte y papiroflexa xaponesa ) y otres actividaes ente los nuesos artistes y artistes xaponeses.
Pa celebrar esta ocasión d'alcuentru van mover a Xixón una trentena d'artistes xaponeses acompañaos del Presidente de JIAS-CAEA y del Director d'Actividaes Artístiques asi como del Agregáu de Cultura (Embaxada de Xapón)