1ª Xornada Concursu de Canción Asturiana de SRA
Primera xornada Clasificatoria del XXII Concursu de Canción Asturiana de
Samartín del Rei Aurelio celebrada'l 10 de xineru de 2020 nel Aula
Cultural La Plaza de Sotrondio.
Nesta primera xornada actuaron na categoría absoluta José
Manuel González Granda de Llangréu, qu' interpretó "Cantar bien neña" y
"L' aire me apagó la vela"; Álvaro Fidalgo Barredo, de
Somiedo, qu'interpretó "Cuando yo cuidaba cabres" y
"La ilusión del pastor"; y l' avilesín Manuel Arena Pérez, que cantó
"Viva la xente minera" y "Ya nun vuelvo más a Granda".
Na mesma categoría, "La portillera", "Per debaxo del puente" y "A la pipiona" (como canción minera) fueron les pieces elexíes por Manuel Collado González, de Ponga. Manuel Sañudo Sainz, de Suances,interpretó "A to ventana", mientres que Patricia Pariente Martínez, de Turón, cantó "Soi de Pravia" y "Al pasar pel puertu".
Nel apartáu d' aficionaos intervinieron l' ovetense Manuel López Menéndez, con "Adiós puente de Cayés" ; José Luis Sánchez Verdeja, de Torrelavega, interpretó "De la raíz del manzano" y "Adiós Asturias del alma"; e Isidorina Naredo Prida, de Villaviciosa, cantó "Nun sé qué tiene mío Asturias" y "Yo nací en Villaviciosa".
Na categoría de menores de 18 años, Mara Suárez Orellana, de Tuilla,
participó con "Tienes casa, tienes horru" y "Soy de Pravia"; y n' infantil el llavianés Alejandro Begega cantó "Per debaxo de la
panera" y "La mariñana".
Los y les cantaores tuvieron acompañaos pol tamboriteru Mino, el gaiteru oficial Ramón García , faciendo de xuráu Carlos Ronderos y Arsenio Fernández-Nespral , presentó esta primera xornada Lluís Alberto M.Ardines.
El certame ta empobináu pola Asociación de la Canción y el Folclor del Valle del Nalón , col patrociniu del Ayuntamientu de Samartín del Rei Aurelio, Caja Rural de Asturias, el sindicatu SOMA-FITAG y la collaboración de La Nueva España y Radio San Martín.
Calcando nes imáxenes puedes escuchar tola xornada editada por Radio San Martín, así como les semeyes de les y los cantaores, feches por Alberto Zapico.