“8,56” esti sábadu a les siete la tarde nel Centru Niemeyer

Una traxedia del sieglu XXI. La obra de teatru 8,56 ye una obra de ficción inspirada nun saltu de Yago Lamela, fechu nel mundial d'atletismu de Maebashi en 1999.

Alredor d'esi saltu hai dellos elementos que resuenen a la traxedia griega antigua, como la hibris del héroe tráxicu y el so deséu irrefrenable por dir más allá de les sos llendes, la idea de destín na mancadura de talón d'Aquiles que sufrió Yago, la noción de dios nel cuerpu sobrenatural d'Iván Pedroso (un rival insuperable), y la noción de polis, quedando la derrota individual de Yago enmarcada n'una derrota colectiva, la de Madrid, que se presenta trés vegaes como candidata a los xuegos olímpicos y fracasa. Por tanto, si la traxedia nació pa dar voz a los que nun la tuvieron, 8,56 pretende dar visibilidá a la problemática de los deportistes d'élite cuando tienen d'abandonar el mundu de l'alta competición y refacer les sos vides.

Calca na imaxen pa sacar les entraes