42 Selmana de les Lletres Asturianes del 3 al 7 de mayu
El llunes 3 de mayu, a les 12.00 hores, inaugúrase en Mieres del Camín la 42 Selmana de les Lletres Asturianes:
-Presentación de la obra conmemorativa «Pruebes d'autor. Les siete vides de Nel Amaro».
-Proyección de documental.
-Inauguración d'esposición sobre la vida y obra de Nel Amaro.
La 42 Selmana de les Lletres Asturianes celébrase ente'l 3 y el 7 de mayu próximos. Baxo'l lema «Nel Amaro, la voz comprometida», y cola coordinación de Xandru Fernández, la Selmana rinde homenaxe al escritor y artista mierense coincidiendo colos diez años de la so muerte y los 75 de la so nacencia.
Política Llingüística Principáu d'Asturies ellaboró una programación alredor a l'actividá creadora tan estensa de Nel Amaro. Cola mira de reivindicar la figura humana y artística del escritor, edítense dos llibros, realízase un documental y inaugúrense dos esposiciones, una centrada na so vida y obra y otra na so producción artística.