24 setiembre.Nueche de les y los investigadores 2021
La Universidá d'Uviéu va movilizar n'Asturies a 150 científicos que van desenvolver 41 actividaes y más d'un centenar d'esperimentos con ocasión de la celebración esti vienres, 24 de setiembre, de la Nueche Europea de les y los Investigadores . L'eventu, qu'algama anguaño la so doce edición, va llevase a cabu al mesmu tiempu en más de 370 ciudaes europees y estímase que más de 26.000 científicos xuniránse a esta iniciativa que va cuntar con un millón de visitantes en toa Europa.
La Nueche ye un proyectu de divulgación científica promovíu y financiáu pola Comisión Europea, baxo les Acciones Marie Skłodowska-Curie (MSCA), que tien por oxetivu averar la investigación a la sociedá col fin d'inspirar nueves vocaciones científiques ente los más xóvenes.
Podrán visitase 27 stands a partir de les 18:00 hores nel Edificiu Históricu, onde van desendolcase talleres, demostraciones, esperimentos, xuegos, conferencies, o concursos... La celebración d'esti añu cunta amás con delles novedaes, ente elles un escape room nel que los participantes van visitar l' Edificiu Históricu dende un puntu de vista históricu-artísticu, pero tamién xeolóxicu y físicu; amás, va instalase un puntu d'observación astronómica con telescopios o una exhibición de drones.