Cans e ghatos . Esposición de José Luís Torrico,Olga Barea y Loli Regueira

Del 4 al 31 de marzu puede vese la muestra virtual CANS E GHATOS na que l'artista blimeín José Luís Torrico, residente en Taipéi (Taiwán) retrata la parte más tienra de les nueses queríes mascotes al pie de l'artista gallega Loli Regueira y la zaragozana Olga Barea.

Los trés artistes , xuníos pol dibuxu y la sensibilidá pa colos animales ufierten les sos obres nesta esposición virtual que tien como oxetivu la recaldación pa l'ayuda a protectores y asociaciones d'animales caleyeros.

Con esta acción crowdfunding la pequeña aportación que se faiga simboliza la cuota d'entrada a la esposición virtual. Los artistes van unviar por e-mail a los mecenes un pdf con tola información de les obres, les sos característiques y dimensiones reales.

Les obres de la esposición tamién s'atopen a la vienta a precios bien afayaizos y la recaldación de les vientes permitirá al colectivu siguir creando acciones benéfiques como ésta.

Calca na imaxen pa entrar na muestra y nel enllaz siguiente pa collaborar col crowdfundin:

https://www.gofundme.com/f/ayuda-a-protectoras-y-asociaciones-de-animales