La esposiciónv Nel güeyu del furacán. Vanguardia n'Ucrania, 1900-1930 presenta una completa visión del arte ucranianu de vanguardia nes primeres décades del sieglu XX, mostrando les distintos tendencies artístiques, dende l'arte figurativu hasta'l futurismu o'l constructivismu. El desenvolvimientu de la vanguardia n'Ucrania tuvo llugar nun complexu contestu sociopolíticu nel que colapsaron imperios, españó la primer guerra mundial y les revoluciones de 1917, a les que siguió la guerra d'independencia d'Ucrania (1917-1921) y la posterior creación de la Ucrania soviética. La despiadada represión estalinista contra la intelectualidá ucraniana llevó a la execución de docenes d'escritores, directores de teatru y artistes, ente que el 'Holodomor', la hambruna provocada pol home en 1932 y 1933, mató a millones d'ucranianos. A pesar d'esti tráxicu contestu históricu, l'arte ucranianu vivió nesos años una verdadera renacencia y un periodu d'esperimentación artística. Nel güeyu del furacán recupera esti capítulu esencial pero poco conocíu del arte de vanguardia occidental, axuntando alredor de 70 obres ente les que s'atopen pintures, dibuxos, colaxes o diseños teatrales.