Entrevistes Al Llau

Entrevista a Xose Antón González Riaño, Presidente de l'Academia de la Llingua Asturiana, nel programa especial d'Al Llau del Llar del 21 de febreru de 2018 con motivu la cellebración del Día de la Llingua Materna .

Entrevista A Xuan Xosé Sánchez Vicente nel programa especial d'Al Llau del Llar del 21 de febreru de 2018 nel que cellebramos el Día de la Llingua Materna y falamos col escritor con motivu la publicación de la so poesía completa (1974-2018) nel llibru PROPIA XERA.

Entrevista a Pedro Alberto Marcos el 31 de xineru de 2018 dientro'l programa Al Llau del Llar col que falamos de la esposición de semeyes de Valentín Vega nel Antiguu Istitutu Xovellanos de Xixón.

Entrevista a Dani Orviz nel programa Al Llau del Llar del 10 de xineru col que falamos de poesía, de la so trayeutoria y los prósimos proyeutos y además teatraliza en direutu un de los sos poemes mas populares.

Entrevista fecha a Marisa Valle Roso por Javier del Caño nel programa Intérpretes Asturianos con motivu la presentación de Consciente esti sábadu 30 d'avientu nel Teatru de La Llaboral en Xixón.
Un trabayu frescu, personal, y que caltien los colores del folclore asturianu, que combinaos con sonoridaes contemporanees de xéneros como'l indie, cantar d'autor o'l pop, y la voz de Marisa, formada nel cantar tradicional asturianu, adquieren una esclusiva espresión musical. El discu, grabáu ente Madrid y Asturies foi producíu por Sebastián Merlin, ganador de dos grammys llatinos, y l'omnipresente productor indie Charlie Bautista. Les collaboraciones un luxu, Víctor Manuel, Rozalén y Pandereteres de Fitoria.
Un total de trece cantares dan forma a un variáu repertoriu nel que conviven versiones de Chavela Vargas, Violeta Parra o Mercés Sosa, al pie de composiciones d'Alfredo González, Paco Cifuentes, Víctor Manuel, Pablo Carrera y la mesma Marisa, estrenándose según compositora.

Falamos col veteranu montañeru César Pérez de Tudela nel programa Al Llau del Llar  con motivu la so participación na Selmana de la Montaña del Grupu Texu que ta desarrollándose nel Teatru Municipal de L'Entregu y la conferencia qu'ufiertará esti xueves 14 d'avientu a les 20:00 hores.

Falamos con Carlos Alba nel programa Al Llau del Llar con motivu del Premiu Nel Amaro de Teatru Asturianu que ta acabante d'algamar na so primer edición pola so adaptación del Llázaru de Tormes.

Falamos con Xulio Arbesú con motivu la presentación de los sos llibros "Potestas" (edición en castellán) y "El valor del Rei" Premiu Xosefa Xovellanos 2016, el vienres 1 d'avientu na Casa la Cultura de L'Entregu a les 19:00 hores.

Entrevista al artista José Luís Torrico nel programa Al Llau del Llar del 15 de payares con motivu la esposición que tien montada nel Espaciu La Plaza de Sotrondio y que puede visitase hasta'l 15 d'avientu.

Entrevista a José Antonio Lobato nel programa Al Llau del Llar del 15 de payares falando de teatro y de la comedia musical VUELVA MAÑANA de Gloria Fuertes que TEATRO MARGEN trae al Teatru de L'Entregu'l vienres 17 de payares.

Entrevista al filólogu,poeta y editor Manuel Neila Lumeras con motivu la conferencia qu'ufiertará'l xueves 16 de payares nel Aula Cultural La Plaza de Sotrondio a les 19:00 hores dientro los actos de l'Asociación Bicentenariu de Samartín del Rei Aurelio.

Entrevista al director de cine asturianu Samu Fuentes con motivu la so asistencia al actu d'inauguración del Festival Internacional de Curtiumetraxes CINESAN el domingu 29 d'ochobre nel Teatru Municipal de Samartín del Rei Aurelio en L'Entregu onde nos fala de la so trayectoria artística y l'estrenu de la so película Bajo la piel de lobo.

Entrevista fecha a Manuel García del grupu musical LOS TAL con motivu la presentación del so nuevu discu COLEGAS nel conciertu qu'ufiertarán nel Teatru de L'Entregu'l vienres 27 d'ochobre a les ocho la tarde.Onde falamos de la hestoria del grupu, anécdotes y escuchamos dellos temes del discu.

Al Llau del Llar fala con Ana Cano, Presidenta de l'Academia de la Llingua Asturiana , con motivu la celebración del Trixésimu octavu Día de les Lletres Asturianes que se celebró  nel Teatru Campoamor d'Uviéu.

Entrevista fecha nel programa Al Llau del Llar de Radio San Martín al fotógrafu Javier Xué con motivu la esposición que tien montada hasta'l 25 de marzu en dos espacios que se complementen en Sotrondio: Casa la Xuventú y Espaciu La Plaza.
El montaxe fotográficu titúlase "Apenas lágrimas negras" col que l'autor pretende sensibilizar al espectador sobre algo que ya ye pasáu animándolu a responder :¿Y agora qué?¿Qué facemos ahora?¿Qué hai que facer?
Les fotografíes acompáñense con un vídeu de diez pieces enlazaes nel qu'intenta recrear l'entornu d'abandonu que ye l'estáu emocional col que rexistró les imáxenes.Too ello coles ruines industriales del Valle del Nalón como protagonistes.

Entrevista fecha nel programa Al Llau del Llar de Radio San Martín al músicu brasileñu Vaudí qu'entama la so xira 25 AÑOS NOS ESCENARIOS nel Teatru Municipal de Samartín del Rei Aurelio en L'Entregu'l sábadu 18 de febreru onde'l cantante tará acompañáu pol Coru San Andrés Sergio Domingo y Chus Pedro.

Entrevista a Marián Osácar direutora de la Feria Europea de les Artes Escéniques pa la Infancia (Feten) y xefa del departamentu de promoción de les artes de la Fundación Municipal de Cultura de Xixón.
Entrevista fecha nel programa Al Llau del Llar de Radio San Marín con motivu la celebración de FETEN del 12 al 17 de febreru.

Entretenía charra con Celina Jiménez, Ana Ferrer y Xulio Arbesú con motivu'l conciertu qu'ufiertaron nel Teatru de Samartín del Rei Aurelio de L'Entregu'l vienres 22 de setiembre y qu'acompañaron cola interpretación de dellos temes musicales, dientro'l programa Al Llau del Llar del 20 setiembre .

Entrevista fecha nel programa Al Llau del Llar del 29 de marzu al maestru Juan Fernando Rodríguez Calleja"Juánfer" con motivu la presentación del so llibru MINEROS DE BIMENES el sábadu 1 d'abril a les 19:00 hores en Martimporra.

Entrevista fecha nel programa Al Llau del Llar del 5 d'abril a José Armas "El Ilusionista" con motivu la so actuación col espectáculu "ILUSIONES" nel Teatru de L'Entregu'l sábadu 8 d'abril a les ocho la tarde.
Con él falamos de maxa,ilusiones, sicoloxía y la complicidá del magu o ilusionista col públicu.

Entrevista al cantante Fruela Fuente nel programa Al Llau del Llar con motivu la so candidatura pa representar a España nel concursu d'Eurovisión.
Fruela Fuente, artista de Sotrondio, fae un repasu a la so trayeutoria artística,comparte anécdotes y recuerda los sos oríxenes como miembru de Radio San Martín siendo un rapaz.

Entrevista fecha nel programa Al Llau del Llar de Radio San Martín a l'actriz y cantante Susana con motivu l'espectáculu infantil EL SHOW DE SUSANA que lleva al Teatru Municipal de Samartín del Rei Aurelio en L'Entregu'l sábadu 11 de febreru. Compartimos con ella recuerdos, anécdotes y aspeutos pedagóxicos del so proyeutu artísticu dedicáu a neños y neñes.