El Mazucu

Un llugar pa descubrir esti branu ye'l pueblu d'El Mazucu, na parroquia de Caldueñu.

Un pueblu del estremu oriental d'Asturies asitiáu al pie de la Sierra del Cuera a unos 16 km de Llanes que foi lamentablemente protagonista durante la guerra civil pola batalla que se desenvolvió na so redolada dende'l 5 al 22 de setiembre de 1937. Dempués de tomar Llanes les tropes nacionales, formaes por 30.000 homes, tienen de cruciar la sierra del Cuera para avanzar escontra'l centru d'Asturies, y ellí son deteníos por 5.000 soldaos republicanos qu'intenten evitar que crucien pol pasu montañosu. Parte activa nesta batalla tuviéronla los aviones de la Legión Cóndor.

Precisamente na capiya del Ánxel de la Guarda, a la entrada del pueblu, puede vese una singular campana, que ye la cabeza d'una bomba d'aviación.

Va años esti pueblu, como otros rincones llaniscos, acoyó'l rodaxe d'una película, nesti casu nel añu 2002 la titulada "La balsa de piedra" protagonizada ente otros por Federico Luppi, Icíar Bollaín , Gabino Diego, Manuel Galiana y Antonia San Juan. Basada na novela del mesmu nome de José Saramago, publicada en 1986. Onde un cataclismu provoca la separación de la Península Ibérica del restu del continente y vase flotando a la deriva pel océanu, como una balsa de piedra. Los poderes norteamericanos ven la posibilidá d'adquirir la nueva estensión de tierra colos sos pobladores. Españoles y portugueses abandonen les sos cases pa escapar de los peligros de la mariña y van vagabundeando pelos caminos del interior. Inda se desorienten más cuando la balsa empieza a xirar sobro la so exa talmente que 'l sol amanez polo que yera l'oeste.

El Mazucu,amás de caltener bonos exemplos de l'arquitectura tradicional asturiana, ye llugar d'aniciu de rutes de monte como la de la Llosa Viango y l'ascensión a Peña Blanca.