E.I. San Martín 3-1 U.C. Ceares
11-IV-2021
Esti domingu disputóse nel campu d' Florán l'alcuentru ente la E.I. San Martín y l'U.C. Ceares.
Un alcuentru que tuvo un emotivu entamu al realcordar con un minutu de silenciu a la madre del que fuera Presidente del Club, Olegario, la güela del xugador Lele , a Mero directivu de la E.I. San Martín Directivo y al vicepresidente Antonio Garay .
La E.I. San Martín estrenó'l so casilleru de trunfos nel tramu decisivu del campeonatu pa llograr los dos primeros billetes que dan accesu al saltu de categoría.
Pela so parte, l'U.C. Ceares foi cimeru na primer metá, a pesar de que se foi al descansu en desventaxa nel marcador. Avisó llueu con un potente disparu de Mario Buelga que se perdió alto y volvió a la carga tres una perda d' Abou que dexó a Madeira internase pel llateral de l' área, pero Landry tuvo sollerte pa frenar la so meyora.
Intentáronlo tamién a balón paráu los xixoneses, nun saque d'esquina que definió Llerandi con una chilena que nun consiguió dirixir ente los trés palos. L'emburrie visitante n'El Florán dio pasu a otra oportunidá de Medori, que tampoco consiguió batir a Alejandro.
Antes d'algamar la media hora, raspió l'apertura del marcador el Ceares al traviés del so capitán. Juan Carlos llanzó una falta que salió rozando la meta local y, n'una de les escases llegaes del San Martín a l' área visitante durante la primer parte, Dorian cabeció alto un serviciu d' Abou ensin demasiao peligru pa Kike.
Cuando más atascáu paecía l'equipu que dirixe Chiqui de Paz, un pase de Dorian p'hacia tras convertiríalu Mathieu llegando dende tras con un derechazu inapellable que rompió la igualdá nel marcador. A dos minutos del descansu, Medori tuvo una bona oportunidá de restablecer les tables al llantase llibre de marca frente Alejandro, pero'l so remate perdióse raspiando'l poste. Na segunda metá, la E.I. San Martín, cola tranquilidá del marcador a favor, empezó a controlar el ritmu del xuegu frente un Ceares al que-y costaba trenzar el xuegu cola facilidá del primer periodu.
Un saque d'esquina llanzáu por Pelayo Muñiz cabeciólu altu Mario Buelga n'una de les poques ocasiones nes que los xixoneses esmolieron a los de Sotrondio, que doblaron la ventaya con una gran xugada de Mathieu que definió Márquez. Con Madeira anuláu polos centrales gracies a un bon marcaxe de Landry, la E.I. San Martín empobinó la so victoria con un certeru disparu d' Ebea. Nun baxó los brazos el Ceares, que maquilló la so derrota con un gol d'Óscar.
Un saque d'esquina llanzáu por Pelayo Muñiz cabeciólu altu Mario Buelga n'una de les poques ocasiones nes que los xixoneses esmolieron a los de Sotrondio, que doblaron la ventaya con una gran xugada de Mathieu que definió Márquez. Con Madeira anuláu polos centrales gracies a un bon marcaxe de Landry, la E.I. San Martín empobinó la so victoria con un certeru disparu d' Ebea. Nun baxó los brazos el Ceares, que maquilló la so derrota con un gol d'Óscar.
