Dende la ruta del Cares a la Mayada d’ Ostón

Por antiguos pasos de cabreros llégase dende la ruta del Cares a la Mayada d' Ostón, asitiada a 970 m. d'altitú . Una terraza na metá del Cares que cunta con una talaya qu'ufierta vistes espectaculares del Macizu Central.

Propiedá de los vecinos de Bulnes, y fae tiempu de la Casa de Cebos, en Benia, foi ocupada dende polo menos el sieglu XVI hasta va pocos años.

Pa xubir a la Mayada d' Ostón hai que dirixise a Caín y facer bona parte de la Sienda del Cares hasta la Mayada de Culiembro. D'ellí parte una sienda que xube en zig-zag pola Canal de Culiembro directamente a la Mayada d' Ostón. Hai que salvar un desnivel de más de 600 metros, l'ascensión ufierta vistes cola perspectiva de les altes cumes del Macizu de Los Urrieles. La lleenda diz que perhí pasaron los árabes supervivientes de la batalla de Cuadonga.

La pica d' Ostón tien una espectacular perspectiva sobre'l Cares y dende ella vense numberoses canales del otru Macizu, como la Canal de Piedra Bellida o La Canal de Ría. Vese tamién el Colláu Cerredo a lo cimero d'Amuesa y la panorámica completa de la vertiente asturiana de la Ruta del Cares.

Pa facer esta ruta empléguense ente 7 y 8 hores y tien d'encarase con una preparación y equipamientu afayaizu, bon calzáu, mochila llixera y respetu cola naturaleza.