Castell de Guadalest n'Alicante
Mui cerca de Benidorm n'Alicante atópase El Castell de Guadalest , declaráu conxuntu hestóricu artísticu en 1974 y darréu Bien d'Interés Cultural formáu poles siguientes edificaciones:
El Castiellu de San José, Fortaleza del sieglu XI, creada polos musulmanes, atópase asitiada sobre la roca na parte más elevada del conceyu.
Tuvo un papel bien importante a lo llargo de la Edá Medio y Moderno, gracies a la so situación estratéxica. Los terremotos de 1644 y 1748 y la voladura que sufrió en 1708 na Guerra de Sucesión fueron los culpables de la so destrucción.
El Castiellu de la Alcozaiba, Fortaleza del sieglu XI, creada polos musulmanes, atópase asitiada nel dominiu de l'antigua Casa Orduña. Na actualidá, namás queda una torre en ruines.
La Casa Orduña, La Casa Gran" d'El Castell de Guadalest o "Casa Orduña" foi construyida dempués del gran terremotu de 1644 qu'afaró la contorna y les dependencies del castiellu.Foi edificada pola familia d'orixen vascu de los Orduña. Baxaron al Reinu de Valencia col Infante Fortuna de Navarra; darréu pasaron al serviciu de los Cardona, almirantes d'Aragón. D. Sancho de Cardona recibió en 1543 el títulu de marqués de Guadalest. Al gociar los Orduña de tol enfotu de los marqueses, fueron unviaos a Guadalest y actuaron durante casi trescientos años como alcaides de la fortaleza y gobernadores del marquesáu.
La casa foi amburada y escalada mientres la Guerra de Sucesión (1708). En 1756 D. Pedro Antonio Bonaventura de Orduña y García entró na Orde Militar de Santiago consiguiendo d'esta manera aportar al estamentu nobiliariu.
La Ilesia Parroquial de La nuesa Señora de l'Asunción,edificación del sieglu XVIII d'estilu Barrocu, atribuyida a José Sierra.La ilesia atópase na parte antigua del pueblu, xusto al llau de la Casa Nobiliaria de los Orduña, esta edificación foi construyida ente 1740 y 1753 sobre'l solarl del primitivu templu que databa de los tiempos de la Reconquista (sieglu XIII), foi amburada y escalada mientres la Guerra Civil y foi nuevamente remocicada en 1962, encurtiándose'l so llargor y variando la planta, de la que sumieron el cruceru y la cúpula. Ente 1995 y 1996 acométense obres de reafirmación y decoración interior que pretenden salvar l'edificiu actual.
Prisión del sieglu XII, edificación del sieglu XII que s'atopa nos baxos del Conceyu.
Guadalest ,un llugar pa visitar y alonxase del bullicio de les cais de Benidorm adientrando na hestoria y paisaxe d'Alicante.